DÇ-2026-ın seçmə mərhələsinin D qrupunun sonuncu turunda millimiz Fransanı qəbul edəcək.

“Football-plus.az” xəbər verir ki, oyunöncəsi mətbuat konfransında qonaqların baş məşqçisi Didye Deşam media önünə çıxıb.

- Osman Dembele və Kilian Mbappenin olmaması sizə çətinlik yaratmayacaqki?
- Dezeri Due və başqaları da burda yoxdu. Amma biz dünya çempionatına vəsiqə qazanmışıq. Bu da bizi rahatlaşdırır. Sabahkı matç üçün 22 oyunçumuz var. Qarşımızda çox enerjili və inadkar komanda olacaq. Amma biz əlimizdən gələni edəcəyik. Çünki məqsədimiz qələbə qazanmaqdı.

- Mbappenin zədəsi nə dərəcədə ciddidi?
- Onun topuğunda problemləri var idi, davam edir. Ona görə də onu millidən buraxdım, "Real"ın tibbi heyəti Mbappe ilə məşğul olacaq. Risk etmək istəmirik. Artıq DÇ-yə vəsiqə qazanmışıq. 22 futbolçumuz burdadı, onların da məqsədi aydındı.

- Üç futbolçunuz zədəlidi. Sabah hansı oyunçular oynayacaq?
- Üç oyunçu olmasa da, 22 futbolçu Bakıdadı. Hamısı oynaya bilər. Bugünkü məşqdə də hamısı olacaq. Təbii ki, oyunlara görə yorğunluq var. Amma Bakıya vaxtında gəlib, dincəlmişik.

MÜZƏFFƏR QULUZADƏ