Mario Götsenin hazırkı klubunda qalıb-qalmayacağı hələ də müəyyənləşməyib.

"Football-plus.az" xəbər verir ki, “Ayntraxt”ın yarımmüdafiəçisinin müqaviləsinin müddəti mövsümün sonunda başa çatacaq. Frankfurt klubunun idman direktoru Markus Kreşe 33 yaşlı futbolçunun gələcəyi haqqında danışıb.

O, “biz Mario ilə qışda görüşmək barədə razılaşmışıq. O, təcrübəli və komanda üçün çox vacib futbolçudu. Götse ustalığı ilə bizə kömək edə biləcəyini yenidən sübut etdi. Heç bir təzyiq yoxdu. Düşünürəm ki, Frankfurtda özünü rahat hiss edir. Biz onun komandada olmasından məmnunuq, qalan məsələlər zamanla aydınlaşacaq” – deyə açıqlama verib.

Almaniya yığması ilə DÇ-2014-ün qalibi olan Götse cari mövsümdə klubun heyətində bütün turnirlərdə 10 oyun keçirib və 2 məhsuldar ötürmə edib.