İngiltərə çempionatında çıxış edən futbolçulardan biri təxminən iki ay əvvəl çətin vəziyyətə düşüb. Pş

"Football-plus.az" xəbər verir ki, premyer-liqa klublarından birinin adı açıqlanmayan oyunçusu Londonda xoşagəlməz hadisə ilə üzləşib.

“The Sun” qəzetinin məlumatına görə, həmin oyunçu küçədə silahla hədələnib. Hadisə sentyabrın 6-da futbolçu dostu ilə küçədə gəzərkən baş verib. Polis günahkarı saxlayıb. Məlum olub ki, həmin şəxs futbol meneceridi. O, odlu silahla hədələmə və şantajda şübhəli bilinib. Lakin günahlandırılan şəxs futbolçudan uzaq durmaq və onunla heç bir halda əlaqə saxlamamaq şərti ilə zaminə buraxılıb.

Xəbərdə qeyd olunub ki, adı açıqlanmayan futbolçu 20 yaşından yuxarıdı, onun transfer dəyəri isə 60 milyon sterlinqdi. İstintaq altında olan menecerin müştəriləri arasında İngiltərə yığmasının oyunçuları da var.