Anxel Korrea şənbə günü ailəsi ilə birlikdə şok yaşayıb.

"Football-plus.az" xəbər verir ki, “Atletiko”nun hücumçusunun evi qarət edilib.

Dörd kapüşonlu şəxs argentinalı futbolçunun evinə girərək onu silahla hədələyib. Hadisə nəticəsində evdən pul və qızıl-zinət əşyaları götürülüb. Mülki Qvardiya bütün mümkün sübutları toplamaq və belə çətin zamanda futbolçuya və ailəsinə kömək etmək üçün hadisə yerində təhqiqat aparır.

28 yaşlı Anxel bu mövsüm bütün turnirlərdə 23 oyuna çıxıb, 5 qol vurub və 1 məhsuldar ötürmə edib. Yeri gəlmişkən, bir müddət əvvəl Səudiyyə Ərəbistanının adı açıqlanmayan klubunun onun xidmətində çox maraqlı olduğu haqda xəbər yayılmışdı.