N’Qolo Kante ilə bağlı diqqətçəkən xəbər yayılıb. “Çelsi”nin fransalı yarımmüdafiəçisi 2017-ci ildə silahla təhdid edilib.

"Football-plus.az" xəbər verir ki, bu barədə “France Football” məlumat yayıb.

Kanteni zorla restorandan çıxararaq maşına mindiriblər və orada onun dizinə silah dayayıblar. 31 yaşlı futbolçunu menecerini dəyişdirdiyi üçün hədələyiblər. Qeyd edək ki, N’Qolo 2016-cı ildə özü “Lester”dən “Çelsi”yə keçidini təşkil edərkən bir neçə dəfə menecerini dəyişib.

Məlumatda bildirilir ki, futbolçunu təhdid edən şəxsin onun London klubuna keçidindən xeyir güdən keçmiş menecerlərindən birinin qohumu olması ehtimal edilir. Futbolçunun əhatəsində olanlar qeyd edirlər ki, onun ətrafında həmişə Kantenin mehribanlılığından və sadəlövhlüyündən öz məqsədləri üçün istifadə edən çox sayda adam var.