“Formula-1” üzrə dünya çempionatının 2009-cu ildəki qalibi Censon Batton karyerasını bitirdiyini elan edib.

"Football-plus.az" xəbər verir ki, 45 yaşlı britaniyalı noyabrın 8-də “Bəhreynin 8 saatı” yarışında iştirak edəcək. Bu onun karyerasındakı sonuncu yarış olacaq.

Batton indiyə qədər dünya çempionatının 306 mərhələsində iştirak edib, 15-də fəxri kürsünün ən yüksək pilləsinə qalxıb. 2009-cu ildə “Braun” komandasının heyətində dünya çempionu olub.

Həmçinin “Uilyams”, “Benetton”, “Reno”, BAR, “Honda” və “Maklaren” komandalarında çıxış edib. 2016-cı ildə “Formula-1”dən ayrılandan sonra dözümlülüyü artırmağa xidmət edən müxtəlif yarışlara qatılıb.