Meksikalı Serxio Peres və fin Valtteri Bottas “Formula-1” üzrə dünya çempionatının növbəti mövsümünə qatılacaq “Kadillak”ın pilotları olacaq. Bu haqda xəbəri Amerika komandasının mətbuat xidməti yayıb.

35 yaşlı Peres 2011-ci ildən “Formula-1”də çıxış edir. Meksikalı pilot 2024 mövsümündə şəxsi hesabda 8-ci yeri tutub, mövsüm bitəndən sonra “Red Bull”dan ayrılıb. O, “Red Bull”dan başqa “Zauber”, “Maklaren”, “Fors İndiya” və “Reysinq Poynt” komandalarının da şərəfini qoruyub. Peresin ən yaxşı nəticəsi 2023 mövsümündə 2-ci yeri tutması olub.

35 yaşlı Bottas “Mersedes”in ehtiyat pilotudu. O, ikiqat (2019, 2020) dünya çempionu və ikiqat (2017, 2021) bürünc mükafatçıdı. Fin pilot indiyə qədər “Uilyams”, “Alfa Romeo” və “Zauber” komandalarında çıxış edib.

Xatırladaq ki, “Formula-1” “General Motors” və bu şirkətin brendi olan “Kadillak” ilə dünya çempionatında iştirakla bağlı müqaviləni 2024-cü ilin noyabrında bağlayıb. ABŞ komandası gələn il DÇ-nin 11-ci iştirakçısı olacaq.