Rikkyardo “Formula-1”ə dönmək istəmədi
Əvvəllər “Formula-1” komandalarından RB-də çıxış etmiş avstraliyalı pilot Daniel Rikkyardo “Cadillac”ın təklifini geri çevirib, yəni dünya çempionatının iştirakçıları sırasına dönmək istəməyib.
35 yaşlı Rikkyardo 2014-cü və 2016-cı illərdə dünya çempionatının bürünc mükafatçıısı olub. Karyerası boyunca 8 mərhələnin qalib
i olub, 32 dəfə fəxri kürsüyə qalxıb. 2024 mövsümünün sonuna bir neçə ay qalmış RB-dən ayrılıb, ümumiyyətlə, peşəkar idmandan gedib.
Meksikalı pilot Serxio Peres isə “Red Bull”dan getdiyini elan edib. O, sosial şəbəkə hesabında belə yazıb:
“Bu 4 ilə görə sağ ol, “Red Bull”. Sizə hər şeyin ən yaxşısını arzulayıram”.
Peres 2021-dən bəri bu komandanın heyətində çıxış erdib. Bu müddətdə 6 qələbə qazanıb, 39 dəfə fəxri kürsüyə qalxıb. 2024 mövsümündə 152 xalla 8-ci yeri tutub.
Peresin ayrılmasının ardından “Red Bull” Yeni Zelandiyadan olan pilot Liam Lousonun yeni mövsümdən komandaya qoşulacağını bildirib. 22 yaşlı pilot Ferstappenin tərəfdaşı olacaq. Yeri gəlmişkən, niderlandlı dünya çempionu Peresin gedişinə belə münasibət bildirib:
“Sənlə birgə çıxış etmək məmnunluq idi. Birlikdə möhtəşəm anlar yaşadıq, bunladı daim xatırlayacam. Sağ ol, Çeko”.
Digər xəbərlər
