İtaliyalı tennisçi Yannik Sinner Səudiyyə Ərəbistanından keçirilən “altı kralın dəbilqəsi” sərgi turnirində ispaniyalı Karlos Alkarası məğlub edib – 6:2, 6:4.

"Football-plus.az" xəbər verir ki, görüş 1 saat 13 dəqiqə davam edib.

Sinner ardıcıl 2-ci dəfə bu turnirin qalibi olub. O, ötən il də finalda Alkarası məğlub etmişdi. 24 yaşlı italiyalı qələbəyə görə 6 milyon dollar qazanıb. Heç bir “Böyük dəbilqə” turnirində qalib bu qədər pul qazanmır. 6 milyon dollar öz yerində, Sinnerə təmiz qızıldan düzəldilən raketka da bağışlayıblar. Çəkisi 3 kq olan raketka 250 min avroya dəyərləndirilib. Onu Sinnerə Səudiyyə Ərəbistanı kralının müşaviri Turki Əl əş-Şeyx təqdim edib. Ötən il Rafael Nadala da analoji mükafat verilmişdi.

“Altı kralın dəbilqəsi” turnirində Sinner və Alkarasla yanaşı, Aleksandr Zverev, Novak Cokoviç, Teylor Frits və Stefanos Sisipas da mübarizə aparıb.