Noyabrın 12-də Turində ATP-nin illik Yekun turniri start götürüb.

"Football-plus.az" xəbər verir ki, yekun turnir hər il keçirilir və peşəkar mövsümün sonu sayılır. İtaliyada keçirilən turnirə başa çatmaqda olan ildə ən yaxşı nəticə göstərən tenniçilər və cütlər qatılıb. İştirakçıların siyahısı: Novak Cokoviç (Serbiya), Karlos Alkaras (İspaniya), Daniil Medvedev, Andrey Rublev (ikisi də Rusiya), Yannik Sinner (İtaliya), Stefanos Sisipas (Yunanıstan), Aleksandr Zverev (Almaniya), Holger Rune (Danimarka). Ötənilki Yekun turnirinin qalibi Cokoviç olub.

Builki turnirin mükafat fondu 15 milyon dollar təşkil edir ki, bu da ötən illə müqayisədə 1,7 faiz artıqdı. Kuboku başı üzərinə qaldıracaq tennisçi, demək olar ki, 5 milyon dollar qazanacaq (qrup mərhələsinin bütün oyunlarında qələbə qazanmaq şərti ilə).

Mükafat fondunun belə bölünməsi nəzərdə tutulur:
* qrupda bütün oyunlarda uduzanlar – 325 min dollar;
* yarımfinala çıxanlar – 1,495 milyon dollar*;
* finalda uduzan – 2,6 milyon dollar*;
* turnirin qalibi - 4,801 milyon dollar*.
* - məbləğ qrup mərhələsində qazanılan qələbələr nəzərə alınmaqla göstərilib.
Turnirin startından bəri keçirilən oyunların nəticələri ilə tanış olun:
Sinner – Sisipas 6:4, 6:4
Cokoviç – Rune 7:6 (7:4), 6:7 (1:7), 6:3
Alkaras – Zverev 7:6 (7:3), 3:6, 4:6
Medvedev – Rublev 6:4, 6:2
Rune - Sisipas 2:1 imtina
Cokoviç – Sinner 5:7, 7:6 (7:5), 6:7 (2:7)
Alkaras – Rublev 7:5, 6:2