Kralların döyüşü: Alkaras – Sinner

Ər-Riyadda keçirilən “6 kralın dəbilqəsi” adlı tennis turniri sona yaxınlaşır.

Sərgi xarakteri daşıyan turnirin nəhəng mükafat fondu (6 milyon dollar) var. Səudiyyə Ərəbistanının paytaxtına rusiyalı Daniil Medvedev, ispanlar Rafael Nadal və Karlo Alkaras, serb Novak Cokoviç, italiyalı Yannik Sinner və danimarkalı Holger Rune təşrif buyurmuşdu. Srağagün yarımfinal oyunları keçirilib:

Yannik Sinner (İtaliya) – Novak Cokoviç (Serbiya) 6:2, 6:7 (0:7), 6:4
Karlos Alkaras (İspaniya) – Rafael Nadal (İspaniya) 6:3, 6:3

Final və 3-cü yer uğrunda oyun bu gün keçiriləcək.