İspaniyanın məşhur nəşri “Marca” Çempionlar Liqasının liqa mərhələsinin 3-cü turunun “Atletik” – “Qarabağ” oyunuyla bağlı qiymətləndirmələrini açıqlayıb.

“Football-plus.az”ın məlumatına görə, həmkarlarımız “şirlər”in baş məşqçisi Ernesto Valverdeyə 2, “köhlən aylar”ın çalışdırıcısı Qurbanova 1 ulduz verib.

Bilbao təmsilçisinin futbolçularından matçda dubl müəllifi olan Qorka Qurusete 3, iki məhsuldar ötürməylə yadda qalan Mikel Xauregisar, bir qolun ötürməsini verən Aleks Berenger, üçüncü qolu vuran Robert Navarro və 65-ci dəqiqədə əvəzlənən Alexandro Reqo 2 ulduzla qiymətləndirilib. Meydan sahiblərinin qalan oyunçuları 1 ulduz alıb.
“Qarabağ”dan 3 ulduz alan futbolçu olmasa da, kapitan Abdulla Zubir və Kadi Borges 2, qalan oyunçular isə 1 ulduz alıb.

Xatırladaq ki, Ağdam təmsilçisi Bilbaodan məğlub qayıdıb – 1:3.

KƏNAN BAHADIR