''Güclü kluba qarşı oynayacağımızı bilirik. Həm səviyyəli oyunçulara, həm də güclü məşqçiyə sahibdilər. Ancaq öz oyunumuzu sərgiləmək istəyirik. Rəqibə və ya başqa amillərə yox, özümüzə köklənməliyik. ''Qalatasaray''ın ''Liverpul''u məğlub etməsi bizi narahat etmir. Həmin oyunu izlədim. Güclü oynayan tərəf qalib gəldi. Xüsusilə ilk yarıda üstün oynadılar. Rəqibimizin səviyyəsini bilirik. Amma biz də bu oyuna çox yaxşı hazırlaşmışıq. Onlarla rəqabət aparmağa hazırıq. Hər iki tərəf üçün də çətin oyun olacaq. Stadionda çox gurultulu bir atmosferin olacağını bilirik. Bu cür duruma, belə hay-küylü stadiona əvvəlcədən hazırlaşmaq mümkün deyil. Belə stadionlarda oynamağa alışmamışıq. Bizim üçün yeni bir təcrübə olacaq. Amma səbirsizliklə gözləyirik. Bu atmosferdə necə reaksiya göstərəcəyimiz özümüzə də maraqlıdı. ''Qalatasaray''ın oyun tərzini də mümkün qədər tez anlamalıyıq. Pressinqdən yaxşı istifadə edirlər. Ritmi tutturmaq, oyuna nəzarət etmək bizim üçün çox önəmlidi. Rəqibə əks-hücumlarda fürsət, eləcə də boş zona verməməliyik. Əks təqdirdə yüksək səviyyəli futbolçularla bizə ciddi problemlər yaradacaqlar''.