''Liverpul'' formasını geymək və titullar qazanmaq üçün hər oyunda əlindən gələni etməlisən. ''Kristal Pelas'' ilə oyunda rəqibə çox fürsət verdik. Amma özümüz də çox fürsət yaxaladıq. Biz daha yaxşı oynamağa qadirik və bunu oyunçularıma da söylədim. Kyeza son məşqdə özünü sınadı. Amma ağrıları olduğu üçün məşqi bitirə bilmədi. Onu qarşıdakı matçın iştirak ərizəsinə salmadıq. Bu yay iki dənə ''9 nömrə'' almalı olduq. Birini Jota ilə bağlı yaşadığımız faciə, digərini isə Darvin Nunyesi satdığımız üçün aldıq. Bu futbolçular (İsak və Ekitike) çoxdan bizim diqqət mərkəzimizdə idi. Köməkçim Van Bronxorst Türkiyə futbolunu yaxından tanıyır. ''Qalatasaray''ın oyunçularını da məndən daha yaxşı bilir. Təbii ki, hər oyundan öncə onunla fikir mübadiləsi aparıram. Elə bu matçdan öncə də fikirlərini öyrəndim. ''Qalatasaray'' ''Ayntraxt''dan öncə sonuncu dəfə 5 qolu onun çalışdırdığı ''Beşiktaş''la oyunda buraxmışdı. Van Bronxorst üçün gözəl bir an idi və superkuboku qazanmışdı. ''Qalatasaray''ın Frankfurtdakı oyununu izlədim. Onlar üçün şanssız bir qarşılaşma oldu. Bir çox fürsətləri boşa verdilər. Fikrimcə, o oyun bir daha oynansa, ''Qalatasaray'' 5 qol buraxmaz. Türkiyə çempionatında ardıcıl 7 qələbə qazanıblar və cəmi 2 qol buraxıblar. Yaxşı baş məşqçiyə və oyunçulara sahibdilər. Qalib gəlməyi və kuboklar qazanmağı bacaran komandadı. ''Kristal Pelas''dan fərqli komandadı. Bu üzdən onları müqayisə edə bilmərəm. Psixoloji cəhətdən güclüdülər. Bizim üçün çətin rəqibdi''.