“Qarabağ”ın əsas mərhələdəki rəqiblərindən ikisi yarımfinalda!
Avropa Liqasında yarımfinalçılar müəyyənləşib.
Həmin mərhələdə oynamaq hüququ qazananlardan biri də “Bude/Qlimt”di. Həmin “Bude/Qlimt” ki, turnirin cari mövsümündə yeganə ev məğlubiyyətini noyabrın 7-də “Qarabağ”dan alıb (1:2).
Maraqlıdı ki, “Bude/Qlimit” yarımfinalda “Qarabağ”ın əsas mərhələdəki bir başqa rəqibi “Tottenhem”lə qarşılaşacaq. Və daha bir maraqlı məqam: ağdamlıların əsas mərhələdəki rəqiblərindən “Lion” da srağagün möcüzə sayəsində “Mançester Yunayted”ə uduzdu.
Bütün bu məqamlar Azərbaycan çempionunun əsas mərhələdə hədsiz çətin rəqiblərlə mübarizə aparmasından xəbər vermirmi? Bu sualı təcrübəli mütəxəssis Arif Əsədova ünvanladıq:
“Qarabağ” həqiqətən də güclü qrupa düşmüşdü. “Tottenhem”, “Bude/Qlimt” və “Lion”un bura kimi gəlməsi də sübutdu. “Qarabağ” bu formata uyğunlaşa bilmədi. Builki fəaliyyətini təcrübə kimi dəyərləndirək. “Qarabağ” “Bude/Qlimt”dən güclü rəqibləri səfərdə belə məğlub edə bilib. Norveçilərin potensialını təmsilçimizlə oyunda da gördük. “Bude/Qlimt” Norveçə xas olan futbol nümayiş etdirmirdi. Bu komandanın oyunu İspaniya və İngiltərə futboluna uyğyn olduğu üçün bura kimi gəliblər. Gənc futbolçuları fiziki cəhətdən də güclü olduğuna görə bura qədər gəlmələri təsadüf deyil. “Bude/Qlimt”in əsas özəlliklərindən biri də qələbə ruhudu”.
ƏSƏD SEYİDOV
Digər xəbərlər
