“İstanbul BŞ” ilə Kilian Mbappeni ilk baxışdan heç nə birləşdirmir. Amma müasir futbolun ən populyar simalarından biri olan fransalı superulduz bugünlərdə məhz bu klubla bağlı bir xəbərlə gündəmə gəlib.

"Football-plus.az" xəbər verir ki, başakşəhərlilərin rəsmi “instaqram” səhifəsində bazar günü məşqdən adi bir video paylaşıldı. Amma həmin video Mbappe sayəsində populyar oldu. Belə ki, videoya “layk” qoyanlar arasında “Real”ın futbolçusunun olduğu üzə çıxdı. Mbappedən başqa Markus Türam və Rəşid Gezzal kimi tanınmışlar da videoya “layk” qoydu.

Klub bu olay sayəsində populyarlığını və təqibçi sayını artırmağa çalışdı. Belə ki, “İstanbul BŞ”nin rəsmi səhifəsində süni intellekt sayəsində yaradılmış maraqlı və əyləncəli bir video paylaşıldı. Həmin videoda guya Mbappe öz telefonunu əlində tutaraq fransız dilində “İstanbul BŞ”nin hesabı yenə paylaşım etdi. Həqiqətən də onların paylaşımlarını çox bəyənirəm” ifadəsini işlədir. Bu paylaşıma 1 milyondan çox baxış və 500-dən çox şərh gəlib.

Tanınmış futbolçunun bu marağının klub üçün önəmli bir motivasiya qaynağı olacağı düşünülür.