"Zirə" Misli premyer-liqasının 8-ci tur matçında "Sabah"ın meydanından məğlub ayrıldı - 0:3.

"Football-plus.az" xəbər verir ki, "qartallar"ın baş məşqçisi Rəşad Sadıqov oyunsonrası mətbuat konfransında jurnalistlərin suallarını cavabladı.

- Oyunu dəyərləndirmək çətindi. 0:3 hesabıyla uduzmuşuq. Nə vaxtsa məğlub olacağımızı bilirdim. Ancaq bu cür məğlubiyyət bizə yaraşmadı. Səfərdə "Sabah" kimi komandadan ardıcıl iki qol buraxdıqdan sonra vəziyyəti düzəltmək çətindi. Bu oyun geridə qaldı. Növbəti oyuna köklənməliyik.

- Son vaxtların ən zəif oyununu göstərdiz...
- Bəhanə kimi olmasın, amma 6-7 aparıcı futbolçunun zədəli olması bizə böyük çətinlik yaratdı. Məşqlərdə bu problemlərin üzərində işləməyə çalışdıq. Amma qısa vaxtda nəyisə düzəltmək alınmır. Bu gün formada olmayan oyunçuları meydana buraxmalı olduq.

- Millinin əsas qapıçısı Şahruddin Məhəmmədəliyev zədələndi Belədə diqqətlər Rza Cəfərov və Aydın Bayramovun üzərində yönəldi. Növbəti oyunlarda Aydına şans vermək fikriniz varmı?
- Bəli. Növbəti oyunlarda bu barədə düşünəcəyik. Vəziyyətə uyğun qərar verəcəyik.

KƏNAN BAHADIR