"Sumqayıt" Misli premyer-liqasının evdə keçirilən 8-ci tur matçında "Karvan-Yevlax"a qalib gəldi - 4:1.

"Football-plus.az" xəbər verir ki, "kimyaçılar"ın baş məşqçisi Saşa İliç oyunsonrası mətbuat konfransında jurnalistlərin suallarını cavabladı.

- Axır ki, qələbə qazandıq. Xoş hisslər keçirirəm, amma oyundan razı qalmadım.

- Xeyli qol epizodu əldən verildi...
- Tam heyəti formalaşdırmaqda problem yaranmışdı. Millidən qayıdan və zədəli olan futbolçular var idi. Tam heyətlə bir neçə oyun keçirmək lazımdı ki, öz oyunumuzu quraq.

- Konkret olaraq, nədən narazı qaldız?
- Qələbə qazandığımız üçün sevinirəm. Ancaq planlaşdırdığım bəzi məsələləri meydanda görə bilmədim. Bəzi futbolçular fərdi səhvlərə yol verdi. Çox vacibdi ki, matçda xeyli qol fürsəti olsun. Bu məqamlar növbəti matçlarda bizə kömək edəcək.

- "Sumqayıt"a serbiyalı futbolçular dəvət etmək fikriniz var?
- Futbolçunun hardan olmasının fərqi yoxdu. Qışda güclənməliyik. Əsas odu ki, transferlər komandaya xeyirli olsun.

- Növbəti üç matçda ən güclü rəqiblərlə qarşılaşacaqsız. Xüsusi planınız var?
- Yalnız növbəti turda keçirəcəyimiz oyunu düşünürük. Bütün tələblər bu matçla əlaqədardı. Futbolçularım bütün oyunlarda gücünün 100 faizini istifadə etməlidi. Elə məşqçilər korpusu da...

KƏNAN BAHADIR