Türkiyə çempionatında çıxış edən ''Kayserispor''da bir futbolçu müqaviləsini birtərəfli şəkildə ləğv edib.

"Football-plus.az" xəbə verir ki, söhbət Əli Kərimidən gedir.

31 yaşlı iranlı yarımmüdafiəçisi əvvəlki baş məşqçi Markus Gisdol tərəfindən əsas komandadan kənarlaşdırılmışdı. Almaniyalı Gisdol artıq klubdan ayrılıb və onu Radoslav Caloviç əvəzləyib. Əli Kərimi yeni məşqçinin onunla bağlı verəcəyi qərarı gözləmədən müqaviləni ləğv edib və Türkiyədən ayrılıb. Böyük ehtimalla bu məsələ FİFA-da öz həllini tapacaq.

Qeyd edək ki, Kərimi 2021-ci ildən ''Kayserispor''un şərəfini qoruyurdu. Kayseri təmsilçisi bu mövsüm 8 turu arxada qalan Türkiyə çempionatında qələbəsi olmayan yeganə komandadı.