Niderlandlı əfsanədən Van Diyk üçün qalmaqallı sözlər
Niderland futbolunun əfsanəsi, ''Qızıl top''un üçqat sahibi Marko van Basten bu komandanın aparıcı üzvlərindən olan Vircil van Diyklə bağlı tənqidi fikirlər səsləndirib.
Van Diyk həm Niderland yığmasında, həm də ''Liverpul''da kapitan sarğısını daşıyır. Van Basten onun liderlik keyfiyyətlərinə şübhə ilə yanaşıb:
''Van Diyk yaxşı bir lider olmalı, bundan başqa digərlərinə örnək təşkil etməli və komandanı irəli aparmağı bacarmalıdı. Ancaq onda bu keyfiyyətlərin əskik olduğunu düşünürəm. Məncə xarakteri yumuşaqdı. Oyunçu kimi səviyyəsinə, keyfiyyətlərinə söz ola bilməz. Bəlkə də dünyanın ən yaxşı müdafiəçisidi. Ancaq komandanı arxasınca daşıyan bir lider deyil. Ümid edirəm ki, ''Liverpul''da Arne Slot bu baxımdan ona bəzi şeyləri öyrədə biləcək''.
2018-in yanvarından ''Liverpul''da çıxış edən və indiyə qədər bu klubda 9 titul qazanan 34 yaşlı müdafiəçi bu mövsüm 10 rəsmi oyunda iştirak edərək aktivinə 1 qol yazıb.
Digər xəbərlər
