“Bəli, mən bunu müəyyən mənada anlayıram. Ancaq mən mənfi məqamlara köklənmirəm, əksini düşünürəm. Aydın məsələdi ki, oyunçular, kapitan, vitse-kapitan gedirsə, komandada iki debütant varsa, müəyyən şübhələr yaranır. Üstəlik son mövsümdə oyunumuz ideal olmayıb: topa nəzarət baxımından yaxşı oynasaq da, müdafiədə səhvlərə də yol veririk. Şübhələnməyə başlayan adamları anlaya bilirəm. Ancaq uzun illər ərzində gördüyüm əsas özəlliyimiz komandanın çətin anlarda toparlanmağı bacarmasıdı. Baxaq görək yeni oyunçular gələcəkmi? Onda biz yenidən uzun mövsümə hazır olmalıyıq”.

“Ətrafımızdakı komandalara baxsaq, bizim üçün çətin mövsüm olacaq. Ancaq yenidən zirvədə olmaq istəyirik. Bunun üçün özümüzə inanmalı və hər gün yorulmadan çalışmalıyıq. Ruh yüksəkliyini əldən vermək olmaz. Komandanı tərk edən oyunçular həm yaşıl meydanda, həm də ondan kənarda vacib simalar idi. Yaranmış boşluğu doldurmalıyıq. Komandaya qədəm qoyan futbolçular, fikrimcə, yüksək səviyyəyə malikdi. Makallisteri və Soboslaini məşqlərdə görürük, qeyri-adi futbolçulardı. Topla çox yaxşı hərəkət edirlər, müdafiə əməliyyatlarımıza öyrəşməyə çalışırlar. İş davam edir. Hər kəsin üzərinə götürməli olduğu rollar və öhdəliklər var. Mən, sadəcə, əminəm ki, bizdə hər şey alınacaq. Əvvəlki uğurların qazanılmasında böyük rol oynayan liderlər gedib, ancaq başqa oyunçular “artırmalıdı”. Fikrimcə, hər birimiz üçün yaxşı çağırışdı”.