“Komandaya gəldik, tanış olduq. Bəhmən Həsənovun qurduğu heyətdi. Sağ olsun, pis-yaxşı heyət qurub. Burda problem odu ki, sistemi tam dəyişmişik. Yeni sistemi “oturtmaq” bir qədər vaxt alacaq. Komandam xarakter göstərdi, iki dəfə hesabda geri düşməyimizə baxmayaraq, sonda qələbə qazana bildik. Kubok oyununda 2-ci liqa təmsilçisinin hansısa iddiası yoxdu. Şəkidə futbolun olduğunu göstərmək istədik. Növbəti rəqibimiz də “Karvan-Yevlax”dı. Çətin oyun olacaq. Premyer-liqa təmsilçisidi. Səviyyə fərqi bəllidi. Hər şey göz qabağındadı. Komandaya birgünlük fasilə vermişik. Fasilədən sonra məşqlərə başlayacağıq. Qarşımızda ağır “Şəmkir” oyunu var. Hədəfimiz var - çempionluq. Məni də buna görə gətiriblər. İnşallah, sonda hədəfimizə çatarıq”.

“Məqsədimiz ikinci liqada qalmaqdı. Əvvəlki iki ilə nisbətdə bu il liqaya yaxşı başlamışıq. Bu da əvvəlki mövsümlərdə qazandığımız təcrübə hesabınadı. Ötən mövsümdəki stressi yaşamırıq. Kubok oyunu mənə əlavə xərcdi. Yeddi əsas futbolçuya büdcəmizə uyğun olaraq oyundan-oyuna pul verirəm. Onları bu oyuna aparmadım. Rəqibin haqqına girmək istəmirəm, amma bu qələbə “Qaradağ Lökbatan”ın üstünlüyü deyildi. Oyunda nə baş verdi, heç anlamadım. Hakim-inspektorla danışmışam, öz iradımı bildirmişəm. Hakimlər nə etmək istəyirdi, baş açmadım. Hesab 3:0 olanda qapıçımıza qırmızı vərəqə verildi. Qapıda oyunçu dayanmışdı. Sizə bir söz deyim: bu oyun satılmışdı! İnanmıram ki, çempionatda bu hesabla hansısa komanda bizi məğlub edəcək gücdədi. Bu məsələ mütləq araşdırılmalıdı. Mən də öz şikayətimi bildirmişəm”.

“Məsələ ondadı ki, çempionatın startına iki həftə qalmış 7 futbolçumuz getmişdi. Onların yerini doldurmaq üçün akademiyamızdan futbolçular gətirdik. Futbolçular yavaş-yavaş özünə gəlir. Əvvəlkilər kimi onları da Azərbaycan futboluna qazandıracağıq. Bu oyunda da motivasiyaları yüksək idi. Kubokda oynamaq hamının arzusudu. Qələbə də şirindi. Növbəti mərhələdə necə olacağını bilmirəm (gülür). Çempionatın lideri “Turan Tovuz”la qarşılacağıq. Futbolçular üçün də böyük sınaqdı ki, elita təmsilçisi ilə qarşılacaqlar. Futbolçuların xəyalıdı premyer-liqa klubuna qarşı oynamaq. Bu gənclərə vaxt lazımdı. Bizim üstünlüyümüz odu ki, heç kimin tanımadığı gəncləri oynadırıq. AFFA-nın strategiyasını tətbiq edirik. Tanınnmayan futbolçuları Azərbaycan futboluna qazandırırıq. “Turan Tovuz”a uduzsaq da, uşaqların həyatında böyük motivasiya olacaq”.