Ardıcıl iki məğlubiyyət Bəhmən Həsənova baha başa gəldi
2-ci liqa təmsilçisi “Şəki”nin ardıcıl iki oyunda məğlub olması baş məşqçinin istefasına gətirib çıxardı.
Qarşısına çempionluq hədəfi qoyan “halvaçılar” 3-cü turda “Qaradağ Lökbatan”dan, 4-cü turda isə “Xankəndi”dən 1 xal da ala bilmədi. Bu nəticələrdən sonra baş məşqçi Bəhmən Həsənov istefa ərizəsini yazdı. Bu barədə klubun rəsmisi Elgün Həsənov “Futbol+”ə açıqlama verdi:
“Mövsüm başlamamış ciddi rəqiblərlə oyunda xal və xallar qazanmaq hədəfi qoyulmuşdu. Bəhmən Həsənov özü nəticə olmadığına görə istefa vermək istədi, rəhbərlik də istefanı qəbul etdi və beləcə yollarımızı ayırmalı olduq”.
Bəhmən Həsənovu əvəzləyəcək mütəxəssis də bəllidi. Söhbət “Quba”nın sabiq baş məşqçisi Elvin Həsənovdan gedir. Bəli, artıq keçmiş deyə bilərik. Çünki o da “Quba”dan ayrılıb. Elvin Həsənovun da fikirlərini öyrəndik: “Düz məlumatdı, artıq “Şəki”dəyəm. “Quba”dan ayrıldım, “Şəki”nin uğurları üçüm çalışacam. “Şəki”nin böyük hədəfləri var. Mən də harda ciddi hədəf varsa, ordayam” (gülür).
MÜZƏFFƏR QULUZADƏ
Digər xəbərlər
