Futbol üzrə ölkə kubokunun püşkatma mərasimi keçirilib.

"Football-plus.as" xəbər verir ki, əvvəlcə Peşəkar Futbol Liqasının Media və Marketinq Departamentinin rəhbəri Sənan Abdullayev "Qarabağ"ı təmsil etdiyi qurum adından Çempionlar Liqasındakı ilk qələbə münasibətilə təbrik edib.

Onun sözlərinə görə, ardıcıl üçüncü mövsüm 34 komandanın iştirak edəcəyi yarışda ilk mərhələdə 2-ci liqa kollektivləri çıxış edəcək.

PFL-in Texniki-İdman şöbəsinin rəhbəri Elgiz Abbasov klubların ötən mövsümkü reytinqlərinə əsasən 4 səbətə bölündüyünü bildirib. O, 1/4 final mərhələsindən sonra komandaların ev və səfər prinsipi əsasında mübarizə aparacaqlarını söyləyib. Abbasov 2-ci təsnifat mərhələsində ev sahibi klubun stadionu standartlara uyğun gəlməyəcəyi halda yerinin dəyişdiriləcəyini diqqətə çatdırıb.

Daha sonra xüsusi qonaq - şahmat üzrə yeniyetmələr arasında Avropa və dünya çempionu Aydın Süleymanlı püşkü çəkmək üçün dəvət olunub.

Püşkün nəticələri:

1-ci təsnifat mərhələsi
3. "Göygöl" - 4. "Şəmkir"
8. Şəki" - 9. "Araz Saatlı"
10. "Qaradağ Lökbatan" - 11. "Ağdaş"
32. "Dinamo" - 31. "Kür-Araz"
27. "Ağstafa Gəncləri" - 26. "Şirvan"
25. "Quba" - 24. "Xankəndi"

2-ci təsnifat mərhələsi
"Səbail" - "Şamaxı"
"Göygöl" / "Şəmkir" cütünün qalibi - "Baku Sportinq"
"Karvan-Yevlax"- "Şəki" / "Araz Saatlı" cütünün qalibi
"Qaradağ Lökbatan" / "Ağdaş" cütünün qalibi - "İmişli"
"Qəbələ" - "Mingəçevir"
"Cəbrayıl" - "Şəfa"
"Şimal" - "Şahdağ Qusar"
"Dinamo" / "Kür-Araz" cütünün qalibi - "Turan Tovuz"
"Kəpəz" - "Ağstafa Gəncləri" / "Şirvan" cütünün qalibi
"Quba" / "Xankəndi" cütünün qalibi - "Difai"
"Zaqatala" - "Sumqayıt"
"Neftçi" - MOİK