Fransada 7-ci turdan sonra PSJ vahid lider oldu. Baxmayaraq ki, ciddi kadr problemləri ilə üzləşən ÇL-in qalibi “Lill” ilə səfər oyununda xal itirdi.

"Football-plus.az" xəbər verir ki, parisliləri Kilian Mbappenin (yeri gəlmişkən, o da stadionda idi) qardaşı Etan cəzalandırdı. Hesabat turu ərəfəsində 15 xalı olan “Lion” gözlənilmədən evdə uduzdu. “Şirlər”in büdrəməsindən “Marsel”lə “Strasbur” yararlandı. Bu komandalar, uyğun olaraq, “Mets” ilə “Anje”ni darmadağın etdi. İndi lider PSJ-ni hərəyə 15 xalı olan üç komanda izləyir.

PSJ “Lill” ilə oyunda Dembele, Due, Kvaratsxeliya, Markinyos, Neveş və Ruisin xidmətindən məhrum idi. Bu üzdən start heyətində Mbay, Mayulu və 18 yaşlı Ncantu yer almışdı. Qonaqlar topa total nəzarət sayəsində “şimallı itlər”i önə çıxmağa məcbur etməyə çalışsalar da, rəqib bu tələyə aldanmadı, oyun planına sadiq qaldı. Hesab 66-cı dəqiqədə açıldı. Cərimə zərbəsi qazanan parislilər bunu necə yerinə yetirmək üzərində düşünərkən Mendeş topu “9-luğ”a göndərdi. Amma qələbə hesabını qorumaq mümkün olmadı. 81-ci dəqiqədə PSJ-nin sabiq oyunçusu Etan Mbappe meydana çıxdı. Hesabı da məhz o bərabərləşdirdi – cərimə meydançasının xətti üzərindən dəqiq zərbə vurmaqla. Çempion mövsümdə ilk heç-heçəsini etdi.

“Mets”in qonağı olan “Marsel” 2-ci hissədə vurduğu qollarla rəqibi darmadağın etdi. “Strasbur”un “Anje”ni qəbul etdiyi oyunda mübarizədən əsər-əlamət olmadı. Liam Rosenyorun çalışdırdığı komanda “qara-ağlar”ın qapısından 5 cavabsız top keçirdi. Paniçelli və Qodo dubl etdi, Uattara da fərqləndi. “Tuluza”nı qəbul edən “Lion”un uduzacağını gözləmək çətin idi. 24-cü dəqiqədə hesabı açan “şirlər” sonda hədsiz zəif oynadı. Nəticədə 71-ci dəqiqədə meydana çıxan Emersonn dubl etməyə imkan tapdı.

“Monako” ilə “Nitsa” arasındakı 131-ci derbi heç-heçə etdi. Özü də hər komandadan bir futbolçu fərqləndi. Diop “Nitsa”nı 2:0 önə çıxarandan sonra “knyazlar”ın heyətində Fati özünü göstərdi. O, penaltidən iki qol vurmaqla “status-kvo”nu bərpa etdi.

Turun digər oyunlarına gəlincə, “Paris” evdə “Loryan”a, “Lans” səfərdə “Oser”ə qalib gəldi. “Havr” ilə “Renn” meydandan “sülh”lə ayrıldı – 2:2. “Brest”lə “Renn” isə bir-birinin qapısına yol tapa bilmədi.

7-ci tur
Lill – PSJ 1:1
Mbappe, 85 – Mendeş, 66. (47355)
PSJ: Şevalye, Zair-Emeri, Beraldo, Paço, L.Ernandes (Zabarnı, 68), Li Kan İn, Mayulu (Vitinya, 59), Ncantu, Mbay (Hakimi, 59), Ramuş, Barkolya (Mendeş, 59).

Monako – Nitsa 2:2
Fati, 45+5-p.; 56-p. – Diop, 29; 42-p. (8306)
Monako: Kön, Teze, Dayer, Salisu, Dyatta, Minamino (İdumbo, 70), Kulibali (Baloqan, 46), Uattara (Enrike, 70), Akliuş, Fati, Biret (İlenihena, 69).

Mets – Marsel 0:3
Payşao, 51. O’Rayli, 69. Quiri, 76. (28300)
Marsel: Rulyi, Vea (Murilyo, 79), Pavar, Agerd, Emerson, Qomes (Balerdi, 64), Höybyerq, Qrinvud, O’Rayli (Vermeren, 85), Payşao (Nadir, 80), Vaj (Quiri, 64).

Strasbur – Anje 5:0
Paniçelli, 36; 51. Uattara, 61. Qodo, 66; 70. (26109)

Lion – Tuluza 1:2
Fofana, 24 – Emersonn, 89; 90+6. (51414)

Paris – Loryan 2:0
Kebbal, 25. Krasso, 30. (18084)

Oser – Lans 1:2
Syerralta, 61 – Eduar, 14. Sima, 90+6. (17243)

Havr – Renn 2:2
Sumare, 45+1-p. Ndiay, 79 – Embolo, 10. Lepol, 29. (17802)

Brest – Nant 0:0
(14941)

1. PSJ 7 5 1 1 12-4 16
2. Marsel 7 5 0 2 15-5 15
3. Strasbur 7 5 0 2 14-7 15
4. Lion 7 5 0 2 9-5 15
5. Monako 7 4 1 2 16-12 13
6. Lans 7 4 1 2 10-6 13
7. Lill 7 3 2 2 13-9 11
8. Paris 7 3 1 3 12-13 10
9. Tuluza 7 3 1 3 11-12 10
10. Renn 7 2 4 1 9-10 10
11. Brest 7 2 2 3 11-11 8
12. Nitsa 7 2 2 3 9-12 8
13. Loryan 7 2 1 4 9-16 7
14. Havr 7 1 3 3 8-10 6
15. Nant 7 1 3 3 5-7 6
16. Oser 7 2 0 5 5-10 6
17. Anje 7 1 2 4 3-11 5
18. Mets 7 0 2 5 5-16 2

Bombardirlər: Paniçelli (Strasbur), Fati (Monako) – 5, Kebbal (Paris), Lepol (Renn) – 4.
Növbəti turun oyunları oktyabrın 17-19-u aralığında keçiriləcək: PSJ – Strasbur, Nitsa – Lion, Anje – Monako, Marsel – Havr, Lans – Paris, Loryan – Brest, Renn – Oser, Tuluza – Mets, Nant – Lill.

Turun rəqəmi
29:50 – PSJ “Lill”in qapısına ilk zərbəni vuranda 30-cu dəqiqə başa çatırdı. Bu, parislilərin 2018-ci il dekabrın 2-dən bəri çempionat oyununda rəqib qapısına ən gec ilk zərbəsi idi (həmin vaxt “Bordo” ilə oyunda 30:00-da vurmuşdular).

Turun ulduzu
Xoakin Paniçelli (Strasbur) – bu komanda cari mövsümdə uğurlu çıxışına, liderlər qrupunda qərarlaşdığına görə ilk növbədə argentinalı hücumçuya minnətdar olmalıdı. O, dubl etməklə həm də bombardirlər yarışında Fati ilə birgə şərikli liderdi.

Turun sitatı
Luis Enrike, PSJ-nin baş məşqçisi: