“Qarabağ” “Çelsi” ilə oyuna görə hərəkətə keçdi... – rüsvayçı səhvlər təkrarlanacaqmı?
“Qarabağ”ın Çempionlar Liqasının 2-ci turunun "Kopenhagen"ə qarşı matçında (2:0) yaşanan xoşagəlməz olayların səbəblərini araşdırmağa başladığını xəbər vermişdik.
Xatırladaq ki, klubun mətbuat xidmətinin rəhbəri Anar Hacıyev “Football-plus.az”a açıqlamasında matçı stadiondan izləməyə gələn minlərlə azarkeşin tribunadakı yerini vaxtında tuta bilməməsi nəticəsində ortaya çıxan fəsadların səbəblərini araşdırmağa başladıqlarını demişdi.
İş ondadı ki, hələ araşdırmanın hansı sonluqla bitdiyi haqda ictimaiyyətə məlumat verilməyib. Bu üzdən yenidən Anar bəylə əlaqə saxladıq. Onun saytımıza cavabı:
“Hazırda araşdırma davam edir. Biletlərin satışı bir neçə qurum vasitəsilə həyata keçirilir. Ümumiyyətlə müxtəlif istiqamətlərdə çalışırıq. Məqsəd odu ki, növbəti ev oyunlarında eyni hal yaşanmasın. Bu yöndə də işlərə başlamışıq. Cavabdeh qurumlar iş başındadı. Tezliklə hadisələrin detallarıyla bağlı cavabları açıqlayacağıq”.
Xatırladaq ki, “Qarabağ”ın növbəti ev matçı 4-cü turda “Çelsi” ilə olacaq. Həmin oyun noyabrın 5-də keçiriləcək.KƏNAN BAHADIR
Digər xəbərlər
