Sane almaniyalı fanatlarla mübahisə etdi - ''Məni və ''Qalatasaray''ı təhqir etdilər''
Leroy Sane Türkiyəyə gəldikdən sonra hələ ki, karyerası istənilən şəkildə irəliləmir.
"Football-plus.az" xəbər verir ki, 29 yaşlı vinger bu yay ''Bavariya''dan ayrılaraq sürpriz şəkildə ''Qalatasaray''a transfer olundu. Bu qərarına görə Almaniyada ondan üz döndərənlər az deyil.
Təsadüfi deyil ki Sane artıq Almaniya yığmasına da qatılmır. Elə ''Qalatasaray''da da onun işləri qaydasında getmir. Təcrübəli futbolçu son iki rəsmi oyunda ehtiyatda qalıb. O, Türkiyə karyerasında indiyə qədər 9 rəsmi oyunda yalnız 1 qol, 3 məhsuldar ötürmə ilə fərqlənib. Bu arada təcrübəli futbolçunun bu günlərdə almaniyalı futbolsevərlərlə ciddi mübahisə etdiyi məlum olub. Bunu Sane özü açıqlayıb. O, hər il Münhendə keçirilən dünyanın ən böyük pivə festivalı sayılan ''oktoberfest''i ziyarət edərkən burda fanatlarla mübahisə edib.
Sane Almaniya mətbuatına açıqlamasında bunları deyib:
''Festival çadırında olarkən uzun müddət təxribata çəkildim. Sonra mənim şəxsiyyətimi təhqir etməyə başladılar. Üstəlik ''Qalatasaray''ı da təhqir etdilər. Bu gərgin ab-havaya qapılaraq mən də onlara cavab verdim. Qarşılıqlı söz atışması oldu. Sonra düşündüm ki, daha soyuqqanlı və sakit olmalı idim. Özümü eşitməməzliyə vurmalı idim. Bu hadisə mənim üçün yaxşı dərs oldu''.
Digər xəbərlər
