''Eyüpspor''a yollanmadan öncə İstanbulun başqa bir böyük klublarından da təkliflər var idi. Amma ''Qalatasaray'' sanki mənim evimə çevrilmişdi. Burda hər kəsdən dəstək gördüm. Ona görə də xarakterim elədi ki, bu yaşadıqlarımdan sonra başqa bir böyük kluba, yəni rəqib camiəyə yollana bilmədim. Sane ilə uzun illərdi, dostluq edirik. İlk növbədə ''Qalatasaray''ın çox güclü bir xarakterə malik olan futbolçu transfer etdiyini deməliyəm. Sane ilə söhbətdə ona ''uzun illər böyük klublarda oynasan da, ''Qalatasaray''a gəldikdən sonra daha öncə heç vaxt yaşamadığın hissləri yaşayacaqsan'' dedim. ''Qalatasaray''da həqiqətən iki gözəl il keçirdim və hər kəsə təşəkkür edirəm. Ümid edirəm ki, yanlış bir hərəkətim olmadı və gələcəkdə stadiona gələndə fanatlar tərəfindən fitə basılmayacam''.