Məlum olduğu kimi ''Qalatasaray'' Leroy Saneni transfer etməklə Türkiyədə bu yayın hələ ki, ən hay-küylü keçidini reallaşdırıb.

"Football-plus.az" xəbər verir ki, tətilini davam etdirən 29 yaşlı almaniyalı ulduz qarşıdakı günlərdə İstanbul nəhənginin düşərgəsinə yollanacaq.

Bu arada Leroy Sanenin peşəkar futbolçu olan qardaşı Kim də karyerasını Türkiyədə davam etdirə bilər. Kim də sağ vinger mövqeyində oynayır və qardaşından bir yaş böyükdü. O da ''Şalke-04''ün yetirməsidi. Amma istedad və karyera baxımından bir qədər geridədi. Kim Sane daha öncə Almaniyanın aşağı liqa təmsilçiləri ''Vattenşayd'' və ''Yurdingen''də forma geyib.

Apreldən bu yana azad agent statusunda olan bu futbolçu karyerasını Türkiyənin 1-ci liqa təmsilçisi ''Boluspor''da davam etdirməyə yaxındı.

Belə ki, Kim Sane hazırda bu klubda baxışdadı. O bir müddət məşqlərə çıxmaqda davam edəcək. Oyunu məşqçilər korpusu tərəfindən bəyənilsə, bu futbolçu ilə birillik müqavilə imzalanacaq.