“Oğlum mənə bilet alsa da, proqram telefonda olmadığı üçün yalnız biletin şəklindən istifadə etdim. Bu səbəbdən girişdə çətinlik yarandı, məni stadiona buraxmadılar ki, telefonunda "iticket" tətbiqi olmalıdı. Yaşlı adamam, bu texnologiyadan başım çıxmır. Oyunun başlamasına hələ çox vaxt var idi. Adamlar da az idi. Biletim ola-ola, məni buraxmıdılar ki, telefonunda proqram yoxdu. Bir saatdan çox məni gözlətdikdən sonra güc-bəla ilə stadiona buraxdılar. İçəri keçdim, gördüm yerimdə artıq biri oturub. Yaxınlaşıb dedim ki, bura mənim yerimdi. O isə cavab verdi ki, "mən bu yeri almışam", üstəlik telefonda biletin şəklini də göstərdi. Baxdım ki, şəkildəki elə mənim oğlumun çəkdiyi biletdi. Sonra məlum oldu ki, mənim 10 manata aldığım B sektor, 7-ci sıradakı bileti yoxlamada duran işçilərdən biri həmin adama 40 manata satıb. Girişdə mənim telefonuma baxan həmin işçi öz telefonu ilə mənim telefonumdakı şəkli çəkmişdi. Deməli, mənim biletimi başqasına satmaq üçün belə edibmiş. Orada duran polis əməkdaşına məsələni danışdım, o da sorğu-sualdan sonra bildi ki, yerin əsl sahibi mənəm və axır ki, öz yerimə otura bildim”.