Ruben Amorimin tezliklə “Mançester Yunayted”i tərk etmək ehtimalı qalır.

"Football-plus.az" xəbər verir ki, artıq bir neçə gündü İngiltərə mətbuatında ona xələf ola biləcək namizədlərin adları hallanır.

Xavi Ernandes də portuqaliyalı baş məşqçinin yerini tutmağa hazırdı. Bunu Fabritsio Romano iddia edir. Tanınmış jurnalist hazırda işsiz olan ispaniyalı mütəxəssisin uzun müddətdi İngiltərə çempionatını izlədiyini və təklif alacağı halda MY-ni çalışdırmağa hazır olduğunu bildirib.

Xatırladaq ki, Xavi 2024-cü ilin yayında “Barselona”dan ayrılandan sonra aldığı bütün təklifləri geri çevirib. O, bu komandanı 2022/23 mövsümündə İspaniya çempionluğuna daşıyıb.