“Mançester Yunayted” rəhbərliyi baş məşqçi Ruben Amorimin mümkün gedişi halında namizədlərin siyahısını hazırlayıb.

Bu barədə “Caught Offside”ın məlumatına görə, İngiltərə klubunun rəsmi siyahısında iki ad var. Hazırda “Kristal Pelas”ı çalışdıran Oliver Qlasner ilə “Bornmut”un baş məşqçisi Andoni İraola mankunianların hədəfinə düşüblər.

Qeyd olunur ki, hazırda klub rəhbərliyi arasında ən çox müzakirə olunan namizəd məhz Qlasnerdi. Avstriyalı mütəxəssis də “Mançester Yunayted”dən iş təklifi almağa müsbət yanaşır.

Mankunianlıların İngiltərə millisinin sabiq baş məşqçisi Qaret Sautqeytə də marağı var. Amma klub rəhbərliyi azarkeşlərin bu varianta mənfi reaksiyasından ehtiyat edir.