Braziliya yığmasının qarşıdakı yoxlama oyunları üçün heyəti açıqlanıb.

"Football-plus.az" xəbər verir ki, Cənubi Afrika zonası üzrə dünya çempionatının seçmə mərhələsini o qədər də inamlı keçirməyən və 5-ci pilləni tutan beşqat dünya çempionlarını bu ay Asiya turnesi gözləyir. Braziliya oktyabrın 10-da Seulda Koreya, oktyabrın 14-də isə Tokioda Yaponiya ilə qarşılaşacaq.

Baş məşqçi Karlo Ançelotti tərəfindən açıqlanan 26 nəfərlik siyahıda ən diqqətçəkən məqam orda Ederson Moraesin də yer almasıdı. Ançelotti bu yay ''Mançester Siti''dən ''Fənərbaxça''ya transfer olunan təcrübəli qapıçıya öz dönəmində ilk dəfə dəvət göndərib. İtaliyalı mütəxəssis iyun və sentyabrdakı oyunlar üçün Edersona dəvət göndərməmişdi.

Ümumiyyətlə, 32 yaşlı Ederson yığmaya sonuncu dəfə ötən ilin noyabrında çağırılmışdı. Ançelotti bununla bağlı verdiyi açıqlamada Edersonun yığma üçün önəmli qapıçı olduğunu və Koreyaya qarşı görüşdə qapını məhz onun qoruyacağını bildirib. O, Yaponiya ilə oyunda isə Uqo Souzaya şans verəcəyini vurğulayıb.

Ötən ay yığmadan kənar qalan ''Real''ın ulduzları - Vinisius, Rodriqo və Militao bu dəfə heyətdədi.

Braziliyanın digər önəmli qapıçısı ''Liverpul''lu Alisson Bekker isə zədə üzündən bu dəfə yığma komandaya yardım edə bilməyəcək.