“Neçə illərdi ki, “Kəpəz”in ətrafında problemlər, söz-söhbət, azarkeşlərin haqlı narazılığı var. Gəncənin futbol veteranlarının da bu durumla bağlı haqlı narazılıqları var. Son illərdə ən səsli-küylü, problemləri qabardılan klub, təəssüf ki, “Kəpəz”di. “Kəpəz” mənə doğma komandadı. Gəncədə doğulduğuma görə yox, bu klubun formasını geydiyim üçün. Təklifə gəlincə, belə şey olmayıb, mənə klubdan təklif gəlməyib. Amma bu komanda ilə yaxşı işlər görmək olar. Bunun üçün klubda hər cür şərait var. Yaxşı bazaları, məşq meydançaları var. Dövlətimiz Gəncədə baxımlı stadion tikib. Əcnəbi məşqçinin gəlişi… Əcnəbi mütəxəssisin buna gücü çatmaz. Komandanı tanımaq, çempionatı öyrənmək – bütün bunlara vaxt gedir. “Kəpəz” daha yaxşı yerlərə layiqdi, daha yüksək pillələr üçün oynamalıdı”.