“Kəpəz”in növbəti mövsümdən premyer-liqada çıxış edəcəyi demək olar, dəqiqləşib.

“Turan Tovuz”la yanaşı, Gəncə klubu da ölkənin futbol elitasında yer alacaq. Ancaq hələ komanda premyer-liqada “bisilmillah” etməmiş, Gəncədə komandanı kimin çalışdıracağı ətrafında qızğın müzakirələr gedir. Heç kimə sirr deyil ki, hazırda “sarı-göylər”in “sükanı arxasında” olan Yaşar Vahabzadə ilə gəncəli azarkeşlər arasında “soyuq müharibə” gedir. Son oyunda autsayder “Zirə”yə məğlubiyyət isə azarkeşlərlə yanaşı, şəhərin futbol veteranlarının da səbr kasasını daşdırıb. Elə bu səbəbdəndi ki, ötən gün Firuz Qulami gəncəli veteranlar adından danışaraq, həm klub rəhbərliyini, həm də baş məşqçini istefaya səsləyib. Artıq necə deyərlər, bıçaq sümüyə dirənib.

Bəs, Vahabzadənin postundan ayrılacağı təqdirdə baş məşqçi kreslosuna kimlər namizəd olacaq? Bu sual çoxlarını maraqlandırsa da, bu gün üçün yalnız “Neftçi-2”nin baş məşqçisi, əslən gəncəli olan Mahmud Qurbanovun adı hallanır. Söylənilənlərə inansaq, məhz o premyer-liqada “Kəpəz”in texniki zonasında əsas söz sahibi olacaq.

Məsələ ilə bağlı 48 yaşlı mütəxəssislə əlaqə saxladıq. Qurbanov “Football-plus.az” saytına açıqlamasında bunları söylədi: