"Kəpəz" boşanmış ata-ananın arasında qalıb” - AÇIQLAMA
Premyer-liqanın 2022/23 mövsümündə elitada iki yeni komanda mübarizə aparacaq. Bunlar “Kəpəz” və “Turan Tovuz”du.
Hər iki klubun yetərincə premyer-liqa təcrübəsi var. “Kəpəz” hətta müstəqillik dönəmində Azərbaycanda “Neftçi” və “Qarabağ”dan sonra ən çox çempion olan klubdu. Dəfələrlə avrokuboklarda da çıxış edən Gəncə təmsilçisinin yenidən yeksək liqaya qayıdışı gəncəlilərin sevincinə səbəb oldu. Lakin işlər heç də yaxşı getmir. Belə ki, Gəncədə təlim-məşq toplanışına başlayan komanda hazırlığı Bakıda, “Dalğa Arena”da davam etdirir. Burdakı hazırlıq iyulun 17-nə kimi nəzərdə tutulsa da, klub AFFA rəhbərliyindən əlavə 3 gün də möhlət istəyib. Komanda artıq sabah “Dalğa Arena”nı tərk edəcək. Hazırlığa harda davam edəcəyi isə maraqlıdı.
Bu proseslərlə bağlı “Kəpəz” azarkeşi Müşfiq Məmmədovun fikrini öyrəndik. Onun “Football-plus.az” saytına açıqlaması belə oldu:
"Biabırçılıqdı. Yiyəsiz komandadı. O vaxt “Kəpəz” icra başçısı ilə AFFA-nın arasında qalmışdı. Mən onda bir ad qoymuşdum ki, "Kəpəz" boşanmış ata-ananın arasında qalıb”. İndi o da yoxdu. Komanda, ümumiyyətlə, yiyəsizdi. Cavid İmamverdiyev də ayrıldı. Futbolçu iki ay məşqə çıxdı, sonra da göndərildi. Mənə elə gəlir ki, Yaşar Vahabzadə yeni oyunçular gətirmək istəyir, ona görə yer boşaldır. Çempionata 10 gün qalıb, hələ oyunçu gətirir. Komandanın stadionu da pis gündədi. Arenanın ətrafında tikinti gedir, amma özündə tribunalar normal vəziyyətdə deyil. Komandaya uzun müddət futbol oynamayanları gətirirlər. Hələ yerliləri demirəm, legionerlərdən də 1 il futbol oynamayan var ki, komandaya gətirilib. O "Kəpəz"ə nə xeyir verə bilər? Bildiyim qədər məşq formasını da icraçı direktor öz pulu ilə alıb. Kluba hazırda pul verən yoxdu. İndiyə kimi AFFA-ya premyer-liqada çıxış etmək istədiklərini təklif edənlər və komandanın elitada iştirakına qərar verənlər irəli çıxsınlar".
ŞAİR ABDULLA
Digər xəbərlər
