“Biz bütün hallarda nəticəyə uyğun reaksiya verməyin tərəfdarıyıq. Hazırda klubun baş məşqçi seçiminə müdaxilə etmək istəmirik. Çünki namizəd irəli sürsək və uğursuz olsa, məsuliyyət üzərimizdə qalacaq. Əlbəttə, favoritimiz var, ancaq ad çəkmək fikrimiz yoxdu. Hər halda, eyni şəxsin yenidən baş məşqçi olması komandanı pis yerlərə sürüklədi. Heyətimiz zəif deyil. Sadəcə, Adil Şükürov bacarmadı. Heç-heçə belə görmədik. Hamı oturub harda səhv etdiyini düşünməlidi. Açıq suallar var: futbolçular kimin diqtəsiylə alındı? Hansı möqedə yanlış seçimə yol verildi? Adil Şükürov bu suallara cavab axtarmalıdı. Kompensasiyasını alandan sonra düşünməyə vaxtı olacaq. Yeni gələn mütəxəssisin vəzifəsinin öhdəsindən gələcəyinə inanırıq. Ona görə ki, bundan əvvəl gələn baş məşqçilər hədəfə çatmışdı. Bu mövsüm maliyyəmiz daha çoxdu, yeni rəhbərlik var. Əslində çempionat başlayanda bizə demişdilər ki, fevral-mart aylarında premyer-liqada qalmağımız dəqiqləşəcək. Hadisələrin axarı onu göstərir ki, maya qədər şəkər xəstəsi olacağıq”.