Ukraynalı qapıçı “Qəbələ” yolunda qurban getdi
Ukraynanın “Dinamomaniya” saytı dünən cəlbedici xəbər yayıb.
Belə məlum olur ki, işsiz qalan qapıçı Artur Rudko Ukraynanı qeyri-qanuni şəkildə tərk etməyə çalışarkən saxlanılıb. Ukrayna – Moldova sərhədinin “Dnestryanı Respublika” hissəsindən keçməyə çalışan Rudko istintaqa ifadəsində karyerasını Azərbaycan çempionatında davam etdirməyi planlaşdırdığını deyib. Söhbət konkret “Qəbələ”dən gedir.
Bu klubun mətbuat xidmətinin rəhbəri Elnur Məmmədli xəbəri belə şərh etdi:
“Azərbaycana gəlməsi doğru məsələ deyil. Amma, düzdü, qapıçı ilə maraqlanırıq. 15-20 qapıçı təklif olunub kluba. Rudko da onlardan biri idi. İlleqal yolla Ukraynadan çıxmaq istəyəndə sərhəddə saxlayıblar. Başqa qapıçılarla danışıqlar davam edir”.
MÜZƏFFƏR QULUZADƏ
Digər xəbərlər
