Belqradda arzuolunmaz hadisə baş verib. Serbiya yığmasının sabiq futbolçusu Deyan Milovanoviç veteranlar arasında keçirilən oyun zamanı dünyasını dəyişib.

41 yaşlı futbol veteranı “Srvena Zvezda”nın veteranlar komandasının heyətində meydana çıxıb. O, oyun zamanı qəfil ürəktutması keçirib. Milovanoviç qol vurandan bir neçə dəqiqə sonra huşunu itirib. Hadisə yerinə gələn tibb briqadası onu xilas edə bilməyib.

Deyan futbolçu karyerası dövründə Serbiyanın “Srvena Zvezda” və “Vojdovats”, Fransanın “Lans” və Yunanıstanın “Panionios” klublarında çıxış edib. Onun 2006-cı ildə Serbiya çempionatının ən yaxşı futbolçusu seçildiyini də bildirək.