“Minnesota”nın hücumçusu Kirill Kaprizov illik 18-19 milyon dollar əməkhaqqı nəzərdə tutan yeni və uzunmüddətli müqavilə bağlayacağına ümid edir.

Bu xəbəri yayan RG iddia edir ki, 28 yaşlı rusiyalı hokkeyçi Konnor Makdevidlə “Edmonton” arasında yeni müqavilənin imzalanmasını gözləyir ki, məbləğlı bağlı mövqeyini qətiləşdirsin.

“Minnesota” rəhbərliyi isə öz növbəsində Kaprizovla danışqlarda tələsik addım atmaq istəmir. Rusiyalı ulduz bir müddət əvvəl klubun təklif etdiyi, dəyəri 128 milyon dollar, müddəti 8 il olan müqaviləni imzalamaqdan boyun qaçırıb. Kaprizovun indiki müqaviləsinin müddəti gələn ilin iyununa qədərdi, o, mövsüm ərzində 9 milyon dollar qazanır.

2020-ci ildən “Minnesota”nın şərəfini qoruyan Kaprizov 2024/25 mövsümündə müntəzəm çempionatda keçirdiyi 41 oyunda 56 (25+31) xal toplayıb, pley-offda keçirdiyi 6 oyundan isə 9 (5+4) xalla ayrılıb.