“Edmonton”un hücumçusu və kapitanı Konnor Makdevid bu klubla yeni müqavilə bağlamasının mümkünlüyü haqda danışıb:

28 yaşlı forvard ümumi dəyəri 100 milyon dollar olan 8 illik müqavilənin sonuncu mövsümünə qədəm qoyacaq. Adı çəkilən hokkeyçini “Edmonton” MHL-in 2015 draftında 1 nömrə altında seçib.

Xatırladaq ki, “neftçilər” ardıcıl 2-ci dəfə Stenli kubokunun finalında “Florida”ya uduzub. Kanadalı hokkeyçi müntəzəm çempionatda keçirdiyi 67 oyunda 100 (26+74), pley-offda isə 22 oyunda 33 (7+26) xal toplayıb.

Stenli kubokunun son qalibi “Florida” isə Sem Bennett ilə yeni müqavilə ətrafında danışıq aparır. İnsayder Elliott Fridmanın yaydığı xəbərə görə, 29 yaşlı kanadalının yeni və uzunmüddətli müqaviləyə görə maaşı mövsümlük 7,5 milyon dollar təşkil edəcək. Sem sonuncu dəfə 4 illik, hər mövsüm üçün 4,425 milyon dollar maaş nəzərdə tutan müqavilə bağlamışdı. Həmin müqavilənin müddəti 2024/25 mövsümünün sonunda bitib.

Bennett son mövsümdə müntəzəm çempionatda keçirdiyi 76 oyunda 51 (25+26), pley-offda isə 23 oyunda 22 (15+7) xal toplayıb.