Premyer-liqada mübarizə sürət yığır.

"Football-plus.az" xəbər verir ki, 3-cü tur çempionluğa əsas iddiaçıların dueli ilə əlamətdar oldu. “Arsenal”ı məğlub edən “Liverpul” titulu təhvil vermək niyyətində olmadığını göstərdi.

Nəhənglərdən “Mançester Siti” mövsümdəki 2-ci, “Arsenal”la “Tottenhem” 1-ci məğlubiyyətini aldı. “Mançester Yunayted” çətinliklə ilk qələbəsini qazandı, “Çelsi” də “Fulhem”dən üstün oldu.

Çempion startda xal itirməyib. “Liverpul” “Arsenal”la oyunda çətin qələbə qazandı. Ancaq tarixdə oyunun axarı yox, nəticə qalır. İlk yarı çox sönük, qarşılıqlı pressinqlə zəngin mübarizə şəraitində keçdi. Bir-birindən çəkinən rəqiblər bütün “kartları açmırdı”. Daha çox hücum edən qonaqlar bir qədər fəal görünürdü. Ancaq bu fəallıq “Liverpul” müdafiəsini yarmağa imkan vermədi. 2-ci hissə də eyni şəkildə başladı, ancaq “Liverpul” tədricən oyunun axarını dəyişdi. Qarşılıqlı hücumlar şəraitində davam edən oyunun taleyini Soboslainin möhtəşəm cərimə zərbəsi müəyyənləşdirdi. “Arsenal”ın sondakı hücum dalğası heç bir nəticə vermədi.

Ötən tur “Vest Hem”i darmadağın edən “Çelsi” bu dəfə evdə “Fulhem”lə qarşılaşdı. Mareska artıq debütdə məcburi dəyişiklik etdi – Delapın əvəzinə meydana Corc çıxdı. “Bağbanlar” hətta “Çelsi”nin qapısına yol tapsa da, vəziyyəti öyrənən referi qolu qeydə almadı, ona görə ki, hücum zaçamı Muniz Çalobanın ayağını tapdamışdı. Bu dəqiqələrdə daha fəal təsir bağışlayan qonaqlar Sançesi dəfələrlə narahat etdi. Yalnız hissənin sonunda “zadəganlar” hesabda irəli çıxa bildi: Fernandesin künc zərbəsindən asmasını Pedro başla tamamladı. 2-ci hissənin əvvəlində “Çelsi” penalti qazandı – Çalobanın zərbəsindən sonra top Sessenyonun dirsəyinə dəydi. “Nöqtə”yə yaxınlaşan Fernandes fərqi artırdı. Əslində qalan vaxt ərzində də “Çelsi” 3-cü qolu vurmağa daha yaxın idi, nəinki “Fulhem” fərqi azaltmağa.

“Tottenhem” cari mövsümdə ilk dəfə uduzdu. “Bornmut”a 3 xalı Evanilsonun erkən qolu qazandırdı. “Nottingem Forest” evdə “Vest Hem” önündə darmadağın oldu. MS ardıcıl 2-ci oyunda məğlubiyyətlə barışdı. Özü də “şəhərlilər” ilk yarıdan sonra öndə idi. Nəhayət, MY azarkeşlərinin də küçəsində bayramdı. “Qırmızı şeytanlar”ın qələbəsi dramatik alındı. Amorimin komandası elitanın debütantı “Bernli”nin müqavimətini lap sonda qırdı – 3:2. “Everton” da səfərdə “Vulverhempton”a eyni hesabla qalib gəldi. “Sanderlend” “Brentford”la ev oyununda çətin qələbə qazandı. “Lids” – “Nyukasl” oyununda qapılara qol vurulmadı. “Kristal Pelas” səfərdə “Aston Villa”nı darmadağın etdi.

3-cü tur
Liverpul – Arsenal 1:0
Soboslai, 83.
Liverpul: Alisson, Soboslai, Van Diyk, Konate (Qomes, 79), Kerkez, Qravenberx, Makallister (Cons, 62), Salah, Virts (Endo, 90), Qakpo, Ekitike (Kyeza, 79).
Arsenal: Rayya, Timber, Saliba (Moskera, 5), Qabriel, Kalafyori, Merino (Edeqor, 70), Subimendi, Rays, Madueke (Douman, 89), Dyökereş, Martinelli (Eze, 70).

Çelsi – Fulhem 2:0
Pedro, 45+9. Fernandes, 56-p.
Çelsi: Sançes, Hüsto, Çaloba, Adarabioyo, Kukurelya, Kaysedo, Fernandes, Estevao (Gittens, 68), Pedro, Neto (Ceyms, 81), Delap (Corc, 14/Santos, 81).

Brayton – Mançester Siti 2:1
Milner, 67-p. Qruda, 89 – Holann, 34. (31485)
MS: Trefford, Nunyeş (Lüis, 84), Xusanov (Diaş, 84), Stounz, Ayt-Nuri, B.Silva (O’Rayli, 72), Rodri, Reynders, Bobb, Holann, Marmuş (Dokyu, 72).

Mançester Yunayted – Bernli 3:2
Kallen, 27-öz qapısına. Mbemo, 57. Fernandeş, 90+7-p. – Foster, 55. Entoni, 66.
MY: Bayındır, Yoro (Mazraui, 85), De Liqt, Şou, Dyallo, Kazemiro (Hiton, 72), Fernandeş, Dalot, Mbemo, Maunt (Maynu, 46), Kunya (Zirkzee, 31).

Tottenhem – Bornmut 0:1
Evanilson, 5. (61250)
Tottenhem: Vikario, Porro (Udoci, 71), Romero, Van de Ven, Spens, Sarr (Tel, 76), Palyinya (Berqvall, 54), Bentankur, Kudus, Rişarlison, Conson (Odober, 54).

Aston Villa – Kristal Pelas 0:3
Mateta, 21-p. Qehi, 68. Sarr, 78. (41036)

Vulverhempton – Everton 2:3
Hi Çan Hvan, 21. Qomeş, 79 – Betu, 7. Ndiay, 33. Dyusberi-Holl, 55. (30271)

Sanderlend – Brentford 2:1
Le Fe, 81-p. İzidor, 90+6 – Tyaqo, 77. (46267)

Lids – Nyukasl 0:0
(36727)

Nottingem Forest – Vest Hem 0:3
Bouen, 84. Paketa, 87-p. Uilson, 90+1. (30215)

1. Liverpul 3 3 0 0 8-4 9
2. Çelsi 3 2 1 0 7-1 7
3. Arsenal 3 2 0 1 6-1 6
4. Tottenhem 3 2 0 1 5-1 6
5. Everton 3 2 0 1 5-3 6
6. Sanderlend 3 2 0 1 5-3 6
7. Bornmut 3 2 0 1 4-4 6
8. Kristal Pelas 3 1 2 0 4-1 5
9. Mançester Y. 3 1 1 1 4-4 4
10. Nottingem Forest 3 1 1 1 4-5 4
11. Brayton 3 1 1 1 3-4 4
12. Lids 3 1 1 1 1-5 4
13. Mançester S. 3 1 0 2 5-4 3
14. Bernli 3 1 0 2 4-6 3
15. Brentford 3 1 0 2 3-5 3
16. Vest Hem 3 1 0 2 4-8 3
17. Nyukasl 3 0 2 1 2-3 2
18. Fulhem 3 0 2 1 2-4 2
19. Aston Villa 3 0 1 2 0-4 1
20. Vulverhempton 3 0 0 3 2-8 0

Bombardir: Holann (MS) – 3.

Növbəti turun oyunları sentyabrın 13-14-də keçiriləcək: Arsenal – Nottingem Forest, Bernli – Liverpul, Bornmut – Brayton, Brentford – Çelsi, Vest Hem – Tottenhem, Kristal Pelas – Sanderlend, Mançester Siti – Mançester Yunayted, Nyukasl – Vulverhempton, Fulhem – Lids, Everton – Aston Villa.

Turun rəqəmi
100 – MS-nin heyətində premyer-liqada keçirdiyi oyun sayını bu həddə çatdıran Holann 88-ci dəfə fərqləndi. Heç kim ilk 100 oyunda norveçli qədər qol vura bilməyib. Bu göstəricidə ondan sonrakı pillələrdə Şirer (79), Van Nistelroy (68) və Aquero (64) qərarlaşıb.

Turun ulduzu
Cek Qriliş (Everton) – MS-dən icarəyə götürülən yarımmüdafiəçi Moyesin komandası maksimal dərəcədə tez uyğunlaşdı və dərhal özünü göstərməyə başladı. Məhz onun iki məhsuldar ötürməsi “Vulverhempton” üzərindəki qələbədə önəmli rol oynadı. Belə görünür, Qvardiola onun xidmətindən heç də düzgün yararlanmırmış.

Turun sitatı
Peter Şmeyhel, MY-nin sabiq qapıçısı:

Faktlar
* MS 2000-ci illərin əvvəlindən bəri çempionata ilk üç oyunda 2 məğlubiyyət ilə başlamamışdı. Komanda sonuncu dəfə belə uğursuzluğu 2004-də yaşayıb və həmin mövsümü 8-ci yerdə bitirib.
* Milner premyer-liqada 39 yaş 239 günlüyündə qol vurdu. “Brayton”un yarımmüdafiəçisi MS ilə oyunda penaltini qola çevirməklə buna nail oldu. Yalnız Şeringem bu liqada daha güc – 40 yaş 268 günlüyündə fərqlənməyi bacarıb.
* “Luverpul” premyer-liqada ardıcıl qol vurduğu oyunların sayına görə klub rekordu müəyyənləşdirdi. “Qırmızılar” ardıcıl 37-ci oyunda rəqib qapısına yol tapdı ki, əvvəllər belə uğurlu seriya olmayıb. Mersisaydlılar sonuncu dəfə çempionatda 2024-cü ilin sentyabrında – “Nottingem Forest”lə oyuna (0:1) qol vurmayıb.

Oyundan sonra
Ruben Amorim, MY-nin baş məşqçisi: