99 xalla çempion ola bilmədikdən sonra əsil ''bomba'' partladan ''Fənərbaxça'' dünyaca ünlü Joze Mourinyo ilə ikiillik müqavilə imzaladı.

Portuqaliyalı mütəxəssis İstanbulda illik 10,5 milyon avro qazanacaq. Bununla da Mourinyo dünyanın ən çox qazanan məşqçilərin ilk ''5-liy''inə daxil olub. O hazırda 5-ci pillədədi.

Siyahıya ''Atletiko''da illik 30 milyon avro qazanan Dieqo Simeone başçılıq edir. İkinci pillədə ''Mançester Siti''də illik məvacibi 20 milyon avro olan Xosep Qvardiola qərarlaşıb. Üçüncü pillədə ''Əl-İttifaq''ın başında dayanan Stiven Cerrard qərarlaşıb. İngiltərəli məşqçinin Səudiyyə Ərəbistanında illik qazancı 15,2 milyon avroya bərabərdi. Dördüncü pillədə isə Mikel Arteta qərarlaşıb. Düzdü, ispaniyalı mütəxəssisin ötən mövsümkü maaşı 9 milyon avro idi.

Amma ''Arsenal'' ilə yeni müqavilə imzalayan Arteta gələn mövsümdən artıq 18 milyon avro qazanacaq.

ƏLİ