Doqquz tribuna üçün bilet

“Formula-1” üzrə dünya çempionatının Azərbaycan mərhələsinə az qaldı. Bakı Şəhər Halqası Əməliyyat Şirkətindən verilən məlumata görə, ümumilikdə 12 tribuna tədbir iştirakçılarını qarşılayacaq, bunlardan ikisi yeni tikilib.

"Football-plus.az" xəbər verir ki, 9 tribunaya biletlər artıq satılıb. 2025-ci ildə 20 mindən çox oturacaq yeri nəzərdə tutulub, ilk bilet Avstraliyadan alınıb, indiyə qədər isə 100-dən çox ölkənin vətəndaşlarına bilet satılıb.

Sentyabrın 19-da italyan-amerikalı məşhur dicey Anima Bakı səmasını elektron musiqi və vizual sənət elementləri ilə dolduracaq. Ertəsi dünyaca məşhur dicey Martin Qarriks enerjili ritmlərlə həftəsonuna həyəcan qatacaq. Sentyabrın 21-də isə qlobal musiqi fenomeni “Glass Animals” çıxışı ilə tədbiri zirvəyə daşıyacaq.