“Neftçi” 2025/26 mövsümü üçün iştirak ərizəsini PFL-ə təqdim edib.

Təlim-məşq toplanışında komanda ilə olan futbolçulardan üçü - Ramil Şeydayev, Rinosuke Ohori və Andrey Ştoqrin siyahıya salınmayıb. Hər üç futbolçu, xüsusilə Şeydayev və Ohori yayda klubdan ayrılmağa əsas namizədlərdən idi. Lakin məşqlərə qatılmaları, Şeydayevin komanda ilə münasibətlərini normallaşdırması, hətta yoxlama oyununda qol vurması artıq onun klubda qalacağı fikrini doğurmuşdu. Lakin Samir Abasov ötən mövsümün sonunda sol cinah müdafiəçisi kimi yaxşı istifadə etdiyi, Ukraynadan “bəh-bəh”lə transfer olunan Ştoqrinlə yanaşı, Şeydayev və Ohori də iştirak ərizəsinə salınmadı.

Görünür, planlarda yox imiş. Yəqin ki, Rza Cəfərov da klubdan ayrılacaq. “Neftçi” isə yenə də transfer edənə oxşayır.

MÜZƏFFƏR QULUZADƏ