Samir Abasovun çalışdırdığı “Neftçi” də Roman Qriqorçukun zamanındak kimi tənqid yağışına düşüb. Amma ukraynalıdan fərqli Abasov səbəbi gizlətmir, günahkarların adını üstüörtülü şəkildə olsa da, mediaya açıqlayır.

Hətta “Sumqayıt”a məğlubiyyətdən sonra mətbuat konfransında hücumçulardan narazılığını gizlətmədi, fasilədə kimlərlə vidalaşacağı ilə bağlı artıq qərar verdiyini söylədi.

Abasov ad çəkməsə də, narazı qaldığı futbolçulardan biri Ramil Şeydayevdi. Maraqlıdı ki, ötən mövsüm forma geydiyi “Kocaelispor”da da ona ünvanlanan tənqidlərin ardı-arası kəsilmirdi. Ramil ayrılandan sonra isə sabiq klubu yüksək yerlər uğrunda mübarizə aparır. Ramilin statistikasına baxsaq, ayrılıq tam mümkün görünür. Amma indiki Şeydayevi heyətinə cəlb etmək istəyən komanda varmı? Şeydayevin meneceri Jelko Delikiç “Football-plus.az”a belə cavab verdi: