Ötən mövsümü uğursuzluqla başa vuran”Neftçi” yeni mövsümə hazırlığı davam etdirir. 14 futbolçu ilə yolları ayıran “ağ-qaralar” ikisi yerli olmaqla 8 futbolçunu heyətinə qatıb. Klub bundan sonra da bir neçə transfer etməyi planlaşdırır.

“Neftçi” artıq dörd gündü təlim-məşq toplanışını Polşada davam etdirir. Klub telekanalı komandanın məşqlərindən yaddaqalan anları 8 dəqiqə 35 saniyəlik videoya sığdırıb.

Komandadaxili əhval-ruhiyyə yüksək səviyyədədi. İstər legioner, istərsə də yerli futbolçular – hər kəs bir-biri ilə yaxındı. Futbolçular yorulsa da, həvəssiz deyil. Zədəli İmad Farajdan başqa hamı məşqdə iştirak edir. Ən həvəsli, istəkli futbolçulardan biri də, bilirsiz, kimdi? Ramil Şeydayev. Murad Xaçayev və Elvin Bədəlov cütlük çəklində çalışır. Bassala Sambu və Sessi D`Almeyda Azərbaycan dilində öyrənməyə çalışır. Elvin Bədəlov Sambuya “maşallah” sözünü, Sessiye 1-dən 5-ə beşə qədər saymağı öyrədir. Videoya maraqlı bir kadr düşüb. Elvin Bədəlov adaşına “bir az sakit, fikrimi yayındırma” – deyir, Camalov isə “danış da, nə olub e, bir az motivasiya da”... Emil Balayevin bir neçə vacib seyvi göstərildi. Rza Cəfərov isə çərvivədə olarkən kameralara görünmədi. Ramil Şeydayev qol vuranda həm özü ürəkdən sevindi, həm də komanda yoldaşları “Bravo, Ramil!” dedilər.

Operator Emil Balayevi çox diqqətdə saxladı. Bəlkə də gələn mövsüm komandanın əsas qolkiperi o olacaq.

MÜZƏFFƏR QULUZADƏ