"Qarabağ”la oyundan sonra media önünə çıxan “Neftçi”nin baş məşqçisi Samir Abasov uğursuzluğu həm də ölkə kubokun cavab oyununa görə rotasiyaya əl atması ilə izah etdi.

Bəs onun rotasiyası nədən ibarətdi?

“Neftçi” aprelin 13-də “Zirə”yə 2:4 uduzduğu oyuna bu start heyəti ilə çıxıb: Rza Cəfərov, Filip Ozobiç, Höccət Haqverdi, Azər Salahlı, Azər Əliyev, Elvin Camalov, Ramil Şeydayev, Ağadadaş Salyanski, Edvin Kuç, Ervin Koffi, Yuri Matias.

İndi isə “Qarabağ”la aprelin 19-da keçirilən oyundakı ilk “11-liy”ə baxaq: Rza Cəfərov, Höccət Haqverdi, Rəhman Hacıyev, Elvin Camalov, Ramil Şeydayev, Rafael Quzzo, Ervin Koffi, Yuri Matias, Mustafa Sek, Dembo Darbo, Aleks Fernandes.

Göründüyü kimi, iki oyundakı start heyəti ilə bağlı 5 dəyişiklik var. Azər Əliyev, Azər Salahlı, Edvin Kuç, Filip Ozoviç və Ağadadaş Salyanski ehtiyatda qalıb, əvəzində Abasov Mustafa Sek, Rəhman Hacıyev Rafael Quzzo, Dembo Darbo və Aleks Fernandes kimi futbolçulara şans verib.

Daha bir önəmli məqam “Neftçi”nin “Zirə”yə qarşı 5-li, “Qarabağ”a qarşı isə 4-lü müdafiə xətti ilə oynamasıdı. Əlbəttə, nəticə yoxdusa, bütün taktiki sxemlər mənasını itirir.

MÜZƏFFƏR QULUZADƏ