“Bizdə müdafiə və yarımmüdafiə xətti çox güclüdü. Doğru futbolçu gəlsə, hücum xəttində çox fərq yarada bilər. Klovisin Bakıya gəlməsindən, transfer olmasından məlumatım yoxdu. Hikmət Cəbrayılzadə həm fiziki, həm də əxlaqi cəhətdən bizi çox qane edir. Çox intizamlı uşaqdı. Onda böyük istedad görürəm. Gizlədə bilmərəm – Hikmət kimi istedadlar Azərbaycana 10-15 ildən bir gəlir. Nadir istedaddı. Bu istedadın özünü doğruldub-doğrultmayacağını zaman və Hikmət özü göstərəcək. Güman edirəm ki, tarixi oyunçu olmaq ehtimalı da var. Akademiyamızdan hələ də razı deyiləm. Düzdü, Hikmətlər çıxır. Amma bu o demək deyil ki, biz rəhbərlik olaraq yaxşı iş görmüşük. O barədə özümü çox... (gülür). Texniki heyətimiz çox yaxşı işləyir. Aftandil müəllim əla işlər görür. Hələ də imkanımız yoxdu, klub olaraq, yer tapa bilməmişik. Özümü rəhbərlik kimi müsbət qiymətləndirmirəm. Hələ də bu barədə zəifik”.