Avstriya komandası “Red Bull” sabiq rəhbəri Kristian Hornerə ödəniləcək işdən çıxmaq ilə bağlı ödənişin son məbləğini hələ də razılaşdırmayıb.

“Daily Mail”in yaydığı xəbərə görə, kompensasiyanın məbləği 80 milyon dollara çata bilər.

Xatırladaq ki, Horner işdən iyulun 9-da qovulub, onun yerini isə əvvəllər “Reysinq Bullz”a rəhbərlik edən Loran Mekis tutub. “Red Bull” cari mövsümdə 192 xalla Mühəndislər kubokunda 4-cü pillədə qərarlaşıb.

Hornerinin qovulmasının komandadaxili yerdəyişmələrlə bağlı olduğu bildirilir. Ancaq “Red Bull” onun istefaya göndərilməsi ilə bağlı rəsmi açıqlama verməyib.